Эдмунд Картрайт (анг. Edmund Cartwright; 24 красавіка 1748 - 30 кастрычніка 1823) — англійскі вынаходнік.
Атрымаўшы адукацыю ў Оксфардзе, Картрайт быў абраны ў члены калегіі Магдалены і стаў пастарам. Зацікавіўшыся пры наведванні фабрыкі Аркрайта прадзільнай і ткацкай справай, Картрайт вынайшаў часальную машыну, паравую апрацоўку кудзелістых рэчываў і паравую машыну, у якой замест пароў вады дзейнічалі пары алкаголю. 4 красавіку 1785 Картрайт атрымлівае патэнт на механічны ткацкі станок з нажным прывадам. Па хадайнiцтву 50 фабрыкантаў за свае вынаходкі Картрайт атрымаў ад парламента ўзнагароджанне ў 10 000 фунтаў стэрлінгаў. Картрайт вядомы таксама як паэт і аграном.