wd wp Пошук: ⬜

Эві Захенбахер-Штэле

Эві Захенбахер-Штэле (ням.: Evi Sachenbacher-Stehle; 27 лістапада 1980, Траўнштайн, Баварыя) — тытулаваная нямецкая лыжніца, якая выступае за зборную Германіі з 1998 года. З 2012 года — член зборнай Германіі па біятлоне.

Спартыўная кар’ера

Лыжныя гонкі

Удзельнічала ў трох зімовых Алімпійскіх гульнях, у 2002 годзе ў Солт-Лейк-Сіці выйграла сярэбраны (індывідуальная гонка) і залаты (эстафета) медалі, у 2006 годзе ў Турыне ўдастоілася срэбра (эстафета), у 2010 годзе ў Ванкуверы атрымала срэбра (эстафета) і золата (камандны спрынт).

Захенбахер пяць разоў атрымлівала подыум Чэмпіянатаў свету, мае ў паслужным спісе залаты, бронзавы і тры сярэбраныя медалі. Дванаццаць разоў станавілася прызёркай этапаў Кубка свету, тройчы апынялася першай, чатыры разы другой і пяць — трэцяй.

Перад Алімпіядай у Турыне ў сувязі з павышаным утрыманнем у крыві гемаглабіну Захенбахер-Штэле разам з дванаццацю іншымі спартсменамі адхілілі ад спаборніцтваў на пяць дзён — Міжнародная федэрацыя лыжнага спорту палічыла, што выступленне з такой колькасцю чырвоных крывяных цельцаў можа быць небяспечным для здароўя лыжніцы. Як высвятлілася пазней, гемаглабін павялічыўся не з-за ўжывання допінгу, а стаў вынікам адаптацыі арганізма да высакагорнага клімату[1].

Біятлон

З сезона 2012—2013 выступае ў біятлоне. Лепшы вынік — 4 месца ў мас-старце на Алімпіядзе ў Сочы і перамога ў эстафеце на этапе Кубка свету ў Сочы.

Вынікі выступленняў у Кубку свету

2013/14 Вынікі		Эстэрсунд				Гохфільцэн			Ансі			Обергоф			Рупольдынг			Антхальц			Сочы						Паклюка			Кантыялахці			Хальменколен
Ачкоў	Месца	ЗМ	Інд	Спр	Пр	Спр	Эст	Пр	Эст	Спр	Пр	Спр	Пр	МС	Эст	Інд	Пр	Спр	Пр	Эст	Спр	Пр	Інд	МС	ЗМ	Эст	Спр	Пр	МС	ЗМ	Спр	Пр	Спр	Пр	МС
136	32	—	25	25	адм	63	—	—	—	38	31	7	7	22	2	69	—	72	—	адм	11	27	20	4

2012/13 Вынікі		Эстэрсунд				Гохфільцэн			Паклюка			Обергоф			Рупольдынг			Антхальц			ЧС Нове-места						Хальменколен			Сочы			Ханты-Мансійск
Ачкоў	Месца	Зм	Інд	Спр	Пр	Спр	Пр	Эст	Спр	Пр	МС	Эст	Спр	Пр	Эст	Спр	МС	Спр	Пр	Эст	Зм	Спр	Пр	Інд	Эст	МС	Спр	Пр	МС	Інд	Спр	Эст	Спр	Пр	МС
109	46	—	—	—	—	—	—	—	59	48	—	—	—	—	—	—	—	78	—	—	—	—	—	—	—	—	32	29	—	29	6	1	26	18	—

Інд — індывідуальная гонка
Пр — гонка праследавання
Спр — спрынт
МС — мас-старт
Эст — эстафета
Зм — змяшаная эстафета
DNS — спартсмен быў заяўлены, але не стартаваў
DNF — спартсмен стартаваў, але не фінішаваў
DSQ — спартсмен фінішаваў, але дыскваліфікаваны
LAP — спартсмен па ходзе гонкі (для гонак праследавання і мас-стартаў) адстаў ад лідара больш за на круг і быў зняты з трасы
— — спартсмен не ўдзельнічаў у гэтай гонцы
адм — гонка была адменена з-за пагодных умоў

Асабістае жыццё

З ліпеня 2005 года замужам за гарналыжнікам Іаганесам Штэле. Па-за спортам з’яўляецца салдатам Бундэсвера.

Зноскі

↑ Ровшан Аксеров. Олимпизм. Что произошло с Матвеевой?. — Спорт-Экспресс, 11 лютага 2006.

Спасылкі

Афіцыйны сайт (ням.)
Эві Захенбахер-Штэле — статыстыка на сайце FIS (англ.)
Профіль на сайце IBU