Шэ́лахава — возера ў Беларусі ў Лёзненскім раёне Віцебскай вобласці ў басейне ракі Сухадроўка (прыток Лучосы).
Даўжыня возера 3 км, найбольшая шырыня 0,75 км, плошча люстра каля 1 км². Плошча вадазбору 8,75 км². Катлавіна лагчыннага тыпу, моцна выцягнутая з паўднёвага захаду на паўночны ўсход. Схілы катлавіны вышынёй 5—8 метраў, спадзістыя, месцамі стромкія. Берагавая лінія ўмерана звілістая. Берагі зліваюцца са схіламі катлавіны.
У возеры водзяцца шчупак, акунь, карась, лінь і інш.
З возера выцякае рака (ручай[1]) Рудзіца (прыток Сухадроўкі). На паўднёва-усходнім беразе возера вёска Зубакі.