У Вікіпедыі ёсць артыкулы пра іншых асоб з прозвішчам Холашы. Шыман Холашы (венг.: Hollósy Simon; 2 лютага 1857, г. Сігет, цяпер Румынія — 8 мая 1918, Цячаў, цяпер Украіна) — венгерскі жывапісец.
Нарадзіўся ў армянскай сям’і. Вучыўся жывапісу ў 1875—1876 гадах у Будапешце ў Берталана Секея, у 1878—1882 гадах у Мюнхенскай акадэміяй мастацтваў. З 1886 кіраваў Мастацкай школай у г. Мюнхен. У 1896 годзе арганізаваў калонію мастакоў у Надзьбаньі (цяпер г. Бая-Марэ, Румынія).
У творах адлюстроўваў рэчаіснасць Венгрыі, яе нацыянальную своеасаблівасць, звяртаўся да прыёмаў пленэрнага жывапісу. Аўтар святочных і светлых па каларыце карцін («Абіранне кукурузы», 1885, і інш.), эскізаў да работы «Марш Ракацы» (1890—1910-я гг.).