wd wp Пошук: ⬜

Шчыпоўка

Шчыпоўка звычайная (Cobitis taenia) — рыба сямейства ўюновых атрада карпападобных. Народныя назвы каза, кусачка, сіколка, сякушка, точка.

Апісанне

Даўжыня да 12 см. Цела падоўжанае, сціснутае з бакоў. Афарбоўка стракатая, светла-жоўтая, па баках — паласа бураватых ці чорных плям. Каля рота 6 кароткіх вусіхаў. Пад вачыма высоўныя двухраздзелышя шыпы, якімі можа ўкалоць або ўшчыпнуць (адсюль назва).

Пашырэнне

Пашырана ў прэсных вадаёмах Еўропы (да 60° паўночнай шыраты) і Азіі. Сучтракаецца ў вадаёмах Далёкага Усходу, паўночнага Кітая і Японіі. На тэрыторыі Беларусі звычайны від. Насяляе ціхія мелкаводныя затокі і залівы з іліста-пясчаным грунтам, у які закопваецца.

Асаблівасці біялогіі

Корміцца дробнымі воднымі беспазваночнымі.

Характэрна поліплаідыя (ікра можа развівацца пры стымуляцыі спермай самцоў блізкароднасных відаў). У лічынак пасля вылуплівання развіваюцца вонкавыя жабры — рэдкая з’ява для прэснаводных рыб.

Промысел

Выкарыстоўваецца як прынада пры лоўлі драпежных рыб.

Літаратура

Шчыпоўка // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.
Шаўцова Т. М. Шчыпоўка // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1986. — 583 с., іл. — 10 000 экз. — С. 399.