Шот-Мельгі́р, Мельгі́р (араб. شط ملغيغ) — бяссцёкавае перасыхаючае салёнае возера ў Паўночнай Афрыцы, самае буйное на тэрыторыі Алжыра.
Размешчана на захадзе серыі западзін, якія цягнуцца ўглыб Сахары ад заліва Габес у Тунісе. У зімовы перыяд дажджоў вада, якая сцякае з гор Арэс па вадзі Джэдзі, напаўняе возера. Пры максімальным узроўні (26 м ніжэй узроўню мора) плошча возера дасягае 6700 км², а шырыня ў напрамку ўсход-захад — 130 км. Улетку Мельгір перасыхае і ператвараецца ў саланчак. Пры гэтым ніжэйшы пункт упадзіны знаходзіцца на ўзроўні −40 м ніжэй за ўзровень мора, што робіць яе самай нізкай у Алжыры. Побач размешчаны гарады Біскра, Эль-Уэд і Тугурт.
Возера ўключана ў спіс угоддзяў Рамсарскай канвенцыі.