У Вікіпедыі ёсць артыкулы пра іншых асоб з прозвішчам Хейс. Шон Па́трык Хейс (англ.: Sean Patrick Hayes; нар. 26 чэрвеня 1970, Глен-Элен[3], Ілінойс, ЗША) — амерыканскі акцёр і прадзюсар.
Хейс мае ірландскае паходжанне; нарадзіўся ў Ілінойсе ў сям’і Мэры і Рональда Хейсаў.
Дэбют Шона Хейса адбыўся яшчэ ў 1986 годзе[4], аднак папулярнасць да яго прыйшла пасля выхаду камедыйнага серыяла «Уіл і Грэйс» (1998—2006)[3]. За сваю ігру акцёр быў намінаваны на шэсць «Залатых глобусаў», выйграў прэмію «Эмі» і чатыры прэміі Гільдыі кінаакцёраў ЗША[5].
Акрамя сіткома «Уіл і Грэйс», Хейс таксама іграў на тэатральнай сцэне і здымаўся ў кіно. «Галівудскі пацалунак Білі» (1998), «Выйграй спатканне з Тэдам Гамільтанам!» (2004), «Пакуль не згуляў у скрыню» (2007), «Блюзмены» (2008) — найбольш вядомыя фільмы з яго ўдзелам[3].
Год | Беларуская назва | Арыгінальная назва | Роля | |
---|---|---|---|---|
ф | Лянівая Сьюзан[en] | Lazy Susan | Сьюзен О’Конэл | |
ф | Блюзмены[en] | Soul Men | Дэні Эпштейн | |
ф | Пакуль не згуляў у скрыню[en] | The Bucket List | Томас | |
ф | Выйграй спатканне з Тэдам Гамільтанам![en] | Win a Date with Tad Hamilton! | Рычард Леві | |
1998—2006 | с | Уіл і Грэйс[en] | Will & Grace | Джэк Макфарланд |
ф | Галівудскі пацалунак Білі[en] | Billy's Hollywood Screen Kiss | Білі |
На працягу многіх гадоў Хейс адмаўляўся абмяркоўваць сваю сексуальную арыентацыю, але пасля ўсё ж такі прызнаў, што ён гомасексуал.