«Шан-Чы і легенда дзесяці кольцаў» (англ.: Shang-Chi and the Legend of the Ten Rings) — амерыканскі фантастычны фільм 2021 года. З’яўляецца 25-й па ліку карцінай ў кінематаграфічным сусвеце Marvel.
Шмат стагоддзяў таму амбіцыйны воін Сюй Вэньу завалодаў чароўным баявым артэфактам — дзесяццю кольцамі, з дапамогай якіх ён перамог усіх ворагаў і стварыў таемную арганізацыю. На працягу стагоддзяў ён збіраў войска і таемна ўмешваўся ў ход сусветнай гісторыі, але ў 1996 годзе сустрэў выдатную дзяўчыну, майстра баявых мастацтваў утоенай ад старонніх вачэй вёскі Та Ло, пасталеў і завёў сям’ю.
Сан-Францыска, 25 гадоў праз. Хлопец Шон працуе звычайным паркоўшчыкам, а вечары праводзіць у караоке з сяброўкай і калегай Кэці — вялікай аматаркай хуткасных аўтамабіляў. Аднойчы па дарозе на працу на прыяцеляў нападаюць добра падрыхтаваныя ваяры з мэтай забраць у Шона падораны маці медальён.