У Вікіпедыі ёсць артыкулы пра іншых асоб з прозвішчам Дэвіс.
Шані Дэвіс (англ.: Shani Davis; нар. 13 жніўня 1982, Чыкага) — амерыканскі канькабежац, двухразовы алімпійскі чэмпіён на дыстанцыі 1000 метраў (2006, 2010), двухразовы сярэбраны прызёр Гульняў на дыстанцыі 1500 метраў (2006, 2010). Васьміразовы чэмпіён свету на асобных дыстанцыях (другое месца сярод мужчын у гісторыі пасля Свена Крамера), двухразовы чэмпіён свету ў класічным мнагабор’і і чэмпіён свету ў спрынтарскім шматбор’і (адзін з двух мужчын у гісторыі, што выйгралі чэмпіянаты свету і ў класічным, і ў спрынтарскім шматбор’і нароўні з Эрыкам Хейдэнам).
Бронзавы прызёр чэмпіянату свету 2005 года па шорт-трэку ў эстафеце, шматразовы чэмпіён ЗША.
Шані — першы цемнаскуры канькабежац у гісторыі, які заваяваў залаты медаль на Алімпіядзе і пяты алімпійскі цемнаскуры медаліст у канькабежным спорце.