wd wp Пошук: ⬜

Чэмпіянат Еўропы па фігурным катанні 2019

Чэмпіяна́т Еўро́пы па фігу́рным ката́нні 2019 — спаборніцтва сярод фігурыстаў еўрапейскіх краін, якое прайшло ў Мінску на «Мінск-Арэне» з 21 па 27 студзеня 2019 года[1]. Спартсмены выступілі ў чатырох катэгорыях: мужчынскае і жаночае адзіночнае катанне, парнае фігурнае катанне і танцы на лёдзе.

Удзельнікі

145 спартсменаў прадставілі 34 краіны, сярод іх 37 прадстаўнікоў мужчынскага адзіночнага катання, 36 прадстаўніц жаночага адзіночнага катання, 11 спартыўных пар і 25 пар у танцах на лёдзе[2].

Расклад

21 студзеня: афіцыйная трэніроўка.
22 студзеня: афіцыйная трэніроўка.
23 студзеня:
- 11:00. Жанчыны. Кароткая праграма;
- 18:00. Цырымонія адкрыцця;
- 18:45. Пары. Кароткая праграма.
24 студзеня:
- 12:00. Мужчыны. Кароткая праграма;
- 19:00. Пары. Адвольная праграма.
25 студзеня:
- 11:30. Танцы на лёдзе. Рытмічны танец;
- 18:00. Жанчыны. Адвольная праграма.
26 студзеня:
- 11:15. Мужчыны. Адвольная праграма;
- 16:25. Танцы на лёдзе. Адвольны танец.
27 студзеня:
- 15:00. Гала-канцэрт.

Пераможцы і прызёры

Дысцыпліны	Золата	Срэбра	Бронза
Мужчыны	Хаўер Фернандэс	Аляксандр Самарын	Матэа Рыца
Жанчыны	Соф'я Самадурава	Аліна Загітава	Вівека Ліндфарс
Спартыўныя пары	Ванэса Джэймс / Морган Сіпрэ	Яўгенія Тарасава / Уладзімір Марозаў	Аляксандра Байкова / Дзмітрый Казлоўскі
Танцы на лёдзе	Габрыэла Пападакіс / Гіём Сізерон	Аляксандра Сцяпанава / Іван Букін	Шарлен Гіньяр / Марка Фабры

Чэмпіёнам Еўропы ў сёмы раз стаў іспанец Хаўер Фернандэс, для якога гэты турнір стаў апошнім у прафесійнай кар’еры спартсмена. Стаць сяміразовым чэмпіёнам Еўропы атрымлівалася да гэтага толькі расіяніну Яўгену Плюшчанку. Але Фернандэс адзіны, каму ўдалося перамагчы на кантынентальным турніры сем разоў запар[3].

Зноскі

↑ 111 чэмпіянат Еўропы па фігурным катанні стартаваў на лёдзе «Мінск-Арэны» (нявызн.), Белтэлерадыёкампанія (23 Студзеня 2019). Праверана 24 студзеня 2019.
↑ zviazda.by
↑ zviazda.by

Спасылкі

На Вікісховішчы ёсць медыяфайлы па тэме Чэмпіянат Еўропы па фігурным катанні 2019
Афіцыйны сайт Архівавана 21 студзеня 2019.
Інфаграфіка БелТА(недаступная спасылка)