Чыжа́пка (руск.: Чижа́пка[2]) — рака ў Азіяцкай частцы Расіі, у Заходняй Сібіры, у Томскай вобласці, правы прыток ракі Васюган (басейн ракі Об).
Даўжыня ракі 511 км. Плошча вадазбору 13 800 км². Сярэдні расход вады 85,5 м³/с (за 24 км ад вусця[1]). Аб’ём сцёку 2,698[3] км³/год. Рака бярэ пачатак з возера без назвы на Васюганскіх балотах, у міжрэччы рэк Васюган і Ом[3]. Упадае ў Васюган за 114[4] км ад вусця. Басейн ракі ў межах Васюганскай раўніны[3]. Жыўленне пераважна снегавое. Замярзае Чыжапка ў пачатку лістапада, вызваляецца ад лёду ў канцы красавіка — пачатку мая. Суднаходная на адлегласці 108 км ад вусця[1][2].
Прытокі: Томка, Арча, Тунжык, Хатчыха, Герасімава, Сабалёўка, Чагва, Тамырсат, Пільга, Мунгалка, Ачуга, Екульчак, Кулетка, Чурулька, Салат і іншыя рэкі і ручаі[4].
У басейне ракі шэраг газакандэнсатных радовішчаў[3]. За 247 км ад вусця вахтавы пасёлак Лугінецкі і рачная прыстань[3].