Астравы Чафарынас (ісп.: Islas Chafarinas) — група невялікіх астравоў, якія належаць Іспаніі, размешчаная ў Міжземным моры ў 3,5 км ад узбярэжжа Марока непадалёк ад мяжы Марока з Алжырам, у 48 км на ўсход ад Мелільі, іспанскага эксклава на мараканскім беразе. Астравы і навакольнае іх мора маюць статус нацыянальнага запаведніка. На астравах размешчаны невялікі іспанскі гарнізон і маяк.