Чарна́ўчыцкі сельсавет — адміністрацыйна-тэрытарыяльная адзінка ў складзе Брэсцкага раёна Брэсцкай вобласці. Цэнтр — аграгарадок (да 2007 г. вёска) Чарнаўчыцы.
Утвораны 12 кастрычніка 1940 года ў складзе Брэсцкага раёна Брэсцкай вобласці БССР. 3 чэрвеня 1957 года ў склад сельсавета з Чэрнеўскага сельсавета перададзены вёскі Малая Курніца, Несвіло, Скорбічы і Чарнакі[1]. 8 верасня 1959 года ў склад сельсавета з Матыкальскага сельсавета перададзены 5 населеных пунктаў (Вістычы, Вулька, Вялікія Сухарэвічы, Казловічы і Смуга)[2]. 4 верасня 1972 года скасавана вёска Лісовічы (злілася з вёскай Чарнаўчыцы)[3].
У склад сельсавета ўваходзяць 19 населеных пунктаў:
Населены пункт | Статус |
---|---|
Амяліна | вёска |
Блювінічы | вёска |
Вістычы | аграгарадок |
Вулька | вёска |
Вялікія Сухарэвічы | вёска |
Дружба | вёска |
Зелянец | вёска |
Івахнавічы | вёска |
Казловічы | вёска |
Малая Курніца | вёска |
Несвіло | вёска |
Няневічы | вёска |
Покры | вёска |
Сасноўка | пасёлак |
Сколдычы | вёска |
Смуга | вёска |
Холмічы | вёска |
Чарнакі | вёска |
Чарнаўчыцы | аграгарадок |
У 1976 годзе скасавана вёска Стоўпы (злілася з вёскай Смуга)[4].
Насельніцтва сельсавета паводле перапісу 2009 года — 4582 чалавекі[5], з іх 81,4 % — беларусы, 8,2 % — рускія, 6,7 % — украінцы, 2,5 % — палякі[6].