Ча́дабец (руск.: Ча́добец[1]) — рака ва Усходняй Сібіры, у Краснаярскім краі Расіі, правы прыток ракі Ангара (басейн Енісея).
Даўжыня ракі 647 км. Плошча вадазбору 19 700 км². Сярэдні расход вады каля 100[1] м³/с (55,1 м³/с у ніжнім цячэнні[2]), сярэдні аб’ём сцёку 1,739[2] км³/год. Выток ракі знаходзіцца на Тунгускім хрыбце[2]. Працякае па Сярэднесібірскаму пласкагор’ю. Упадае ў Ангару за 414 км ад яе вусця[3]. Жыўленне ракі снегавое і дажджавое. Замярзае рака ў кастрычніку, вызваляецца ад лёду ў маі.
Прытокі: Малы Чадабец, Джылінда, Гранда, Чапчыга, Гаінда, Арналь, Гуля, Верхні Велікан, Ютага, Маімба, Пуня, Ламнан, Веліканда, Верхняя Тынга, Ніжняя Тынга, Чыба (Левая Чыба), Біва, Дзелінда, Немба, Інганба, Ермака і іншыя рэкі і ручаі[3].
Каля ракі населеныя пункты: Залядзеева, Яркіна, Чадабец, Юрахна.