Цімафе́еўка лугавая[3] (Phleum pratense) — кветкавая расліна сямейства метлюжковых (злакаў).
Цімафееўка лугавая, цімафееўка[3], цімафейка[4], межавая трава[5][6][7].
Шматгадовы рыхлакустовы верхавы злак. Карэнішча кароткае. Сцёблы прамыя, вышынёю да 1 м. Лісце шматлікае, вузкалінейнае, шурпатае. Суквецце — шчыльная цыліндрычная мяцёлка, каласкі дробныя. Плод — зярняўка.
Адзін з асноўных кампанентаў сенажатных і пашавых травасумесей. Як кармавую расліну цімафееўку лугавую культывуюць у Еўропе з XVIII ст. Выведзена больш за 50 сартоў.