wd wp Пошук: ⬜

Цяльшэйская дыяцэзія

Цяльшэйская дыяцэзія (літ.: Telšių vyskupija) — адна з сямі дыяцэзій рымска-каталіцкай царквы ў Літве з кафедрай у горадзе Цяльшэй (Цяльшэйскі павет). Уваходзіць у склад Каўнаскай мітраполіі. З’яўляецца суфраганнай дыяцэзіяй Каўнаскія архідыяцэзіі. Лацінская назва дыяцэзіі — «Dioecesis Telsensis». Кафедральным саборам Цяльшэйскай дыяцэзіі з’яўляецца касцёл Святога Антонія Падуанскага.

Дыяцэзія заснавана ў 1926 годзе.

У наш час біскупскую цяльшэйскую кафедру займае (з 5 студзеня 2002 года) Ёнас Барута. Дапаможны біскуп Генадзь Лінас Вадап’янавас (з 11 лютага 2012 года) — самы малады біскуп у свеце.

Дэканаты

Цяльшэйская дыяцэзія падраздзяляецца на 11 дэканатаў:

• Акмянскі дэканат (літ.: Akmenės dekanatas);
• Жамайчу-Кальварыйскі дэканат (літ.: Žemaičių Kalvarijos dekanatas);
• Клайпедскі дэканат (літ.: Klaipėdos dekanatas);
• Мажэйкейскі дэканат (літ.: Mažeikių dekanatas);
• Палангскі дэканат (літ.: Palangos dekanatas);
• Плунгскі дэканат (літ.: Plungės dekanatas);
• Скуодаскі дэканат (літ.: Skuodo dekanatas);
• Шылальскі дэканат (літ.: Šilalės dekanatas);
• Шылуцкі дэканат (літ.: Šilutės dekanatas);
• Таўрагскі дэканат (літ.: Tauragės dekanatas);
• Цяльшэйскі дэканат (літ.: Telšių dekanatas).

Літаратура

• Misius K., Šinkūnas R. Lietuvos katalikų bažnyčios: Žinynas. — V.: Pradai, 1993.

Спасылкі

• Афіцыйны сайт Цяльшэйскай дыяцэзіі (літ.)
• Інфармацыя пра Цяльшэйскую дыяцэзію на сайце catholic-hierarchy.org (англ.)
• Інфармацыя пра Цяльшэйскую дыяцэзію на сайце gcatholic.org (англ.)
• Духавенства Цяльшэйскай дыяцэзіі на 1880 год

Тэмы гэтай старонкі (4):
Катэгорыя·Вікіпедыя·Артыкулы з вікі-разметкай у малюнку карткі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·1926 год у Літве
Катэгорыя·Рымска-каталіцкія дыяцэзіі Літвы