Цяльцы́ — возера ў Расонскім раёне Віцебскай вобласці, за 22 км на паўночны ўсход ад гарадскога пасёлка Расоны, за 2,5 км на захад ад вёскі Вароніна, у басейне ракі Нішча.
Плошча паверхні 0,06 км². Даўжыня 0,55 км, найбольшая шырыня 0,15 км. Даўжыня берагавой лініі 1,1 км.
Размешчана сярод лесу. Схілы катлавіны вышынёй 10—15 м, на поўначы і паўночным захадзе невыразныя. На поўначы злучана ручаём з возерам без назвы.