Цьялінг Чарлз Купманс (нідэрл.: Tjalling Charles Koopmans; 28 жніўня 1910, Гравеланд, Нідэрланды - 26 лютага 1985, Нью-Хейвен, штат Канектыкут, ЗША) — амерыканскі эканаміст і матэматык галандскага паходжання, лаўрэат Нобелеўскай прэміі па эканоміцы (1975) «за ўклад у тэорыю аптымальнага размеркавання рэсурса». Вучыўся ў Утрэхцкім універсітэце. Доктарскую ступень атрымаў у Лейдэне. Працаваў у Прынстанскім, Нью-Ёркскім, Чыкагскім і Ельскім універсітэтах. Прэзідэнт Эканаметрычнага таварыства (1950). Прэзідэнт Амерыканскай эканамічнай асацыяцыі ў 1978 годзе.