Цвіль (цвільныя грыбы) — розныя грыбы (у асноўным, зіга- і аскаміцэты), якія ўтвараюць галінаваныя міцэліі без буйных, лёгка прыкметных няўзброеным вокам, пладовых тэл.
Цвільныя грыбы распаўсюджаныя паўсюдна. У асноўным, вялікія калоніі вырастаюць у цёплых вільготных месцах, на пажыўных асяроддзях.
Многія цвільныя грыбы выпрацоўваюць другасныя метабаліты — антыбіётыкі і мікатаксіны, якія прыгнятальна або таксічна дзейнічаюць на іншыя жывыя арганізмы.