У Вікіпедыі ёсць артыкулы пра іншых людзей з імем Гайтысола.
Хуан Гайтысола (ісп.: Juan Goytisolo; 6 студзеня 1931, Барселона — 4 чэрвеня 2017) — іспанскі пісьменнік «пакалення пяцідзесятых гадоў» (Generación del 50), крытык і журналіст.
З арыстакратычнай сям’і. У гады грамадзянскай вайны яго бацька быў арыштаваны рэспубліканцамі, маці загінула пры паветранай атацы франкістаў на Барселону ў сакавіку 1938 года. Знаходзячыся ў апазіцыі рэжыму Франка, у 1956 годзе быў вымушаны пакінуць Іспанію і пасяліцца ў Парыжы. Сябраваў з Гі Дэборам. У 1969—1975 гадах выкладаў у розных універсітэтах ЗША. У 1996 годзе, пасля смерці жонкі, пераехаў у Маракеш. Пісьменнік не хавае сваёй гомасексуальнасці.[6]