wd wp Пошук:

Хейдэн Уайт

У Вікіпедыі ёсць артыкулы пра іншых асоб з прозвішчам Уайт.

Хейдэн Уайт (англ.: Hayden White, 12 ліпеня 1928, Марцін, акруга Уіклі, штат Тэнесі) — амерыканскі гісторык гістарыяграфіі і культуры, прафесар гісторыі свядомасці ва ўніверсітэце Каліфорніі ў Санта-Круз, прафесар параўнаўчай літаратуры ў Стэнфардскім універсітэце. Найбольш вядомы сваёй працай Metahistory: The Historical Imagination in Nineteenth-Century Europe (1973)

Метагісторыя

Тэорыя Хейдэна Уайта, выкладзеная ў «Метагісторыі» засяроджвае ўвагу выключна на даследванні гістарычнага тэксту або наратыву ў цэлым. Зрэшты «пераварот» Уайта і палягае ў тым, што ён падняў лінгвістычныя даследванні ў гісторыі на новую прыступку, узровень тэкста ў цэлым. Пры гэтым аўтар, як не дзіўна, не ставіць сваё мэтай вынаходжанне спосабу праверкі ісціннасці тэкстаў: у яго тэорыі паўстае выключнае імкненне сцвердзіць, раней не заўважанае пытанне, сутнасці афармлення думак ці даследванняў гісторыі самімі гісторыкамі ў тэкст. Пры гэтым працуюць як суб’ектыўныя фактары аўтарства, так і аб’ектыўныя рысы літаратурнай формы, якую набываюць гістарычныя наратывы. Хейдэн Уайт выбудоўвае своеасаблівую сістэму ці «структуралісцкую сетку», у якой існуюць усякага кшталту тэксты. Яна складаецца з чатырох тропаў, чатырох «спосабаў тлумачэння», чатырох «спосабаў аргументацыі» і чатырох спосабаў «ідэалагічнай імплікацыі». Сенс у тым, што калі гісторык выбірае адзін з тропаў, гэта адразу ж прымушае выбраць пэўны спосаб тлумачэння, аргументацы і ідэалагічнай стратэгіі. Уайт не спрабуе нейкім чынам ацаніць выбар пэўным гісторыкам пэўнай канцэпцыі з пункту погляду іх аб’ектыўнасці. Гэта не ёсць абвінавачванне, бо аўтар канстатуе, што гісторыкі падсвядома прыходзяць да выбару, аднаго з тропаў. Расчараванасць пэўнага кола гісторыкаў якраз і палягала ў тым, што Уайт абсалютна абыякавы да праблемы рэпрэзентацыйнага поспеху гістарычнага даследвання.

Эвалюцыя поглядаў

У сваім адказе на крытыку Метагісторыі Уайт тлумачыць, што праца з’явілася пад моцным уплывам пануючага ў тагачаснай філасофіі структуралізму і канстатуе, што на сучасны момант яго погляды зазналі пэўную эвалюцыю.

Па яго меркаванні, усялякае апісанне змяшчае метамову, якая санкцыянуе імёны рэчаў, суадносіны між рэчамі і характарыстыкамі. Яна і санкцыяную ўжыванне пэўнага вобразнага выказвання ў якасці літаральнага. Метамова, такім чынам, вырабляе правілы дыферынцыяцыі для адрознення фігуры мовы ад літаральнай сутнасці рэчы. Аднак адрозненні ў тым што неабходна зразумець літаральна, а што падаецца ў якасці метафары канвенцыянальныя (умоўныя), зыходзячы з метафарычнай прыроды самой мовы. Сама форма наратыву ёсць прадукт афармлення ў метафарычную абалонку мовы.

Уайт пагаджаецца з памылковасцю свайго першапачатковага імкнення перасоўвання гісторыі з кола навук у літаратуру. Цяпер ён не характарызуе гістарычны наратыў словам «прыдумка». Прадмет гістарычнага дыскурса ёсць рэальны, у той час як літаратурнага — цалкам уяўны. Але Уайт прапануе пакінуць прыметнік літаратурны за гістарычным дыскурсам, спасылаючыся на выключную неабходнасць гісторыкаў перадаваць змест сваіх даследванняў, «гістарычную рэчаіснасць» у літаратурнай форме. Таму для тлумачэння ці даследвання дыскурса, скіраванага на апісанне гістарычнай рэчаіснасці, мусіць выкарыстоўвацца лінгвістычная тэорыя, найперш тэорыя пісьмовага дыскурса.

Працы

Зноскі

  1. Hayden White // SNAC — 2010. Праверана 9 кастрычніка 2017.
  2. 1 2 Hayden White // Музей Саламона Гугенхайма — 1937. Праверана 9 кастрычніка 2017.
  3. выгрузка даных Freebase — Google.
  4. 1 2 https://news.ucsc.edu/2018/03/hayden-white-news-obit.html
  5. http://roth.blogs.wesleyan.edu/2018/03/06/hayden-white-1928-2018/
  6. Hayden White // Brockhaus Enzyklopädie
Тэмы гэтай старонкі (15):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Памерлі ў Каліфорніі
Катэгорыя·Выпускнікі Універсітэта Уэйна
Катэгорыя·Вучоныя паводле алфавіта
Катэгорыя·Памерлі 5 сакавіка
Катэгорыя·Нарадзіліся ў 1928 годзе
Катэгорыя·Члены Амерыканскай акадэміі мастацтваў і навук
Катэгорыя·Выкладчыкі Стэнфарда
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Гісторыкі ЗША
Катэгорыя·Выпускнікі Мічыганскага ўніверсітэта
Катэгорыя·Нарадзіліся ў Тэнесі
Катэгорыя·Асобы
Катэгорыя·Нарадзіліся 12 ліпеня
Катэгорыя·Памерлі ў 2018 годзе