Хато́віжскі сельсавет — былая адміністрацыйна-тэрытарыяльная адзінка ў складзе Клімавіцкага раёна Магілёўскай вобласці. Цэнтр — вёска Хатовіж.
Утвораны 20 жніўня 1924 года ў складзе Клімавіцкага раёна Калінінскай акругі БССР. З 9 чэрвеня 1927 года ў складзе Магілёўскай акругі. Пасля скасавання акруговай сістэмы 26 ліпеня 1930 года ў Клімавіцкім раёне БССР, з 20 лютага 1938 года — Магілёўскай вобласці. 11 красавіка 1960 года скасаваны, тэрыторыя далучана да Дамамерыцкага (4 населеныя пункты: Ганнаўка, Пянькоўка, Хадунь і Хатовіж) і Кісялёвабудскага (2 населеныя пункты: Куляшоўка і Роськаў) сельсаветаў[1].
На момант скасавання ў склад сельсавета ўваходзілі 6 населеных пунктаў.