Харцызск[1] (укр.: Харци́зьк) — горад у Данецкай вобласці Украіны.
Распараджэннем Кабінета міністраў Украіны ад 7 лістапада 2014 г. горад унесены ў Спіс населеных пунктаў, на тэрыторыі якіх органы дзяржаўнай улады Украіны часова не ажыццяўляюць свае паўнаважанні[2].
Афіцыйна заснаваны ў 1869 г. як пасёлак пры станцыі на Курска-Харкаўска-Азоўскай чыгунцы. Але на месцы сучаснага горада яшчэ ў 1786 г. была заснавана Слабада Харцызская, якая належала генерал-маёру Івану Ілавайскаму.
Назва паходзіць ад слова “харцызы” (“разбойнікі, рабаўнікі”) — так у XVI ст. называлі туркі і татары збеглых сялян і запарожскіх казакаў. Месцы іх паселішчаў называлі “харцызскімі”.
У 1860-х гг. паблізу станцыі пачалася распрацоўка радовішчаў каменнага вугалю.