Харкаўская дзяржаўная зоаветэрынарная акадэмія (укр.: Харківська державна зооветеринарна академія) — украінская дзяржаўная вышэйшая навучальная ўстанова, размешчаная ў Харкаве.
Гісторыя ВНУ пачынаецца з 1847 года, калі пад Харкавам была створана “Паўднёва-Заходняя ферма” як навучальная ўстанова з мэтай падрыхтоўкі ўпраўляючых для прыватных маёнткаў. У 1855 годзе пры ёй адкрываецца земляробчае вучылішча. У 1911 годзе яно ператворана ў сярэднюю сельскагаспадарчую школу з 6-гадовым тэрмінам навучання. У 1928 годзе яна рэарганізоўваецца ў заатэхнікум, а з 1930 года становіцца заатэхнічным інстытутам. Харкаўскі ветэрынарны інстытут заснаваны ў 1960 годзе шляхам аб’яднання ветэрынарнага і заатэхнічнага інстытутаў.