wd wp Пошук: ⬜

Ханес Колехмайнен

У Вікіпедыі ёсць артыкулы пра іншых асоб з прозвішчам Колехмайнен.

Юха Піетары «Ханес» Колехмайнен (фінск.: Juho Pietari “Hannes” Kolehmainen; 9 снежня 1889 — 11 студзеня 1966) — фінскі спартсмен, адзін з наймацнейшых стаераў у гісторыі спорту, шматразовы чэмпіён Алімпійскіх гульняў у бегу на доўгія дыстанцыі.

Ён лічыцца першым з пакалення вялікіх фінскіх спартсменаў, якіх часта называюць «Лятучыя фіны», напрыклад, Паава Нурмі, Міка Хакінен, Кімі Райканен, Маці Нюкянен.

Спартыўная біяграфія

Колехмайнен пачынаў сваю спартыўную кар’еру з лыж, якімі займаліся тры яго браты. Па прыкладзе свайго старэйшага брата пачаў займацца лёгкай атлетыкай. Спачатку Ханес Колехмайнен паспрабаваў свае сілы ў марафонскім бегу. Калі яму было 18 гадоў, ён упершыню прыняў удзел у буйных спаборніцтвах у Выбарзе. Да фінішу марафонскага забегу Ханес прыйшоў трэцім, адстаўшы ад старэйшага брата.

Крыху пазней, на іншых спаборніцтвах у Хельсінкі, Ханес скончыў марафонскую дыстанцыю ўжо другім, зноў-такі прапусціўшы наперад іншага свайго брата. У 20 гадоў ён прымаў удзел у буйных спаборніцтвах у Пецярбургу, але на іншых дыстанцыях . Тут Ханес стаў пераможцам у забегу на 1500 і 5000 метраў, заваяваўшы залатыя медалі. З тых часоў ён лічыўся адным з лепшых стаераў Еўропы.

Старэйшы брат Ханеса Тату Колехмайнен (1885—1967) таксама быў бягуном і разам з братам удзельнічаў у Алімпійскіх гульнях 1912 і 1920 гадоў, але не дамогся асаблівых поспехаў.

Зноскі

1 2 Bibliothèque nationale de France Hannes Kolehmainen // data.bnf.fr: платформа адкрытых даных — 2011.
1 2 Catalog of the German National Library Праверана 31 мая 2020.
↑ Hannes Kolehmainen // Міжнародная асацыяцыя лёгкаатлетычных федэрацый — 1912.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #1041958048, Record #1119081106 // Агульны нарматыўны кантроль — 2012—2016. Праверана 31 снежня 2014.
↑ Разам з Ялмары Эскала і Албінам Стэнраасам

Спасылкі

На Вікісховішчы ёсць медыяфайлы па тэме Ханес Колехмайнен
Ханес Колехмайнен на Алімпійскіх гульнях Архівавана 2 лістапада 2012. (англ.)