Хангха́, або Чырвоная рака — рака на поўдні Кітая і поўначы В’етнама. У Кітаі завецца Юаньцзян або Хунхэ, у В’етнаме — Хонгха або Сангхонг.
Даўжыня ракі 1183 км, плошча басейна каля 158 тыс. км². Пачынаецца на Юньнаньскім нагор’і, упадае ў Танкінскі заліў Паўднёва-Кітайскага мора. Сярэдні расход вады каля 3800 м³/с.
Выкарыстоўваюцца для арашэння рысавых палёў. Суднаходства. Да Ханоя, знаходзіцца ў 175 км ад вусця, паднімаюцца марскія судны. Буйныя гарады на рацэ — Хэкоў ў Кітаі, Енбай, Лаакай, Ханой у В’етнаме. На адным з рукавоў дэльты размяшчаецца марскі порт Хайфон.