Хаймэ Угэ (катал.: Jaume Huguet; 1412, Вальс, каля Тарагоны — 1492, Барселона) — каталонскі мастак перыяду позняй готыкі.
Хаймэ Угэ нарадзіўся ў 1412 годзе ў Вальсе. З сям’і шарстабітаў. Пасля смерці бацькі ў 1419 годзе выхоўваўся ў сямействе дзядзькі, Перэ Угэ, у Тарагоне. Хаймэ атрымаў першыя ўрокі ад дзядзькі, які таксама быў мастаком. Пазней працаваў у Барселоне, паміж 1440 і 1445 гадамі ў Сарагосе і зноў у Тарагоне. Выпрабаваў уплыў фламандскага жывапісу, перш за ўсё, Рагіра ван дэр Вэйдэна. З 1454 года, ажаніўшыся, працаваў у Барселоне, уступіўшы ў найбольш спелы перыяд свайго жывапісу. Мастак памёр у Барселоне ў 1492 годзе.
Некаторыя работы мастака захоўваюцца ў Нацыянальным музеі мастацтва Каталоніі ў Барселоне.