«Фіцкаральда» (ням.: Fitzcarraldo) — мастацкі фільм 1982 года рэжысёра Вернера Херцага. Галоўныя ролі выканалі Клаус Кінскі, Клаўдзія Кардынале, Жазэ Леўгай[6].
Меламан Браян Фіцджэральд, якога індзейцы называюць Фіцкаральда, апантаны ідэяй пабудаваць у родным мястэчку Ікітасе сапраўдны оперны тэатр. Для гэтага ён распачынае вар’яцкую авантуру, прычым на апошнія грошы, — адпраўляецца на пошукі каўчукавай плантацыі ў джунглях Амазонкі.
Вядомы амерыканскі кінакрытык Роджэр Эберт адзначыў фільм чатырма зоркамі з чатырох магчымых і занёс у свой спіс «Выдатных фільмаў»[7].
Паводле інфармацыі сайта «Internet Movie Database» фільм быў адзначаны 4 кінаўзнагародамі і яшчэ 4 намінацыямі[8].