Фёдар Ягоравіч Ломаўцаў (нар. 5 кастрычніка 1947, в. Целяшоўка, Нараўчацкі раён, Пензенская вобласць, Расія) — матэматык. Доктар фізіка-матэматычных навук (2004), прафесар.
Скончыў Беларускі дзяржаўны ўніверсітэт (спецыяльнасць «Прыкладная матэматыка», 1975; аспірантура, спецыяльнасць «Дыферэнцыяльныя ўраўненні», 1978).
Працуе ў Беларускім дзяржаўным універсітэце (механіка-матэматычны факультэт, кафедра матэматычнай кібернетыкі, прафесар).
Навуковыя інтарэсы: дыферэнцыяльна-аператарныя ўраўненні; дыферэнцыяльныя ўраўненні з частковымі вытворнымі; ураўненні матэматычнай фізікі і іх дадаткі; функцыянальны аналіз; тэорыя лінейных неабмежаваных аператараў; дыферэнцыяльнае і інтэгральнае вылічэнне лінейных неабмежаваных аператараў, якія залежаць ад параметра і маюць залежныя ад параметра вобласці азначэння.