У Вікіпедыі ёсць артыкулы пра іншых асоб з прозвішчам Ладуцька.
Фёдар Сяргеевіч Ладуцька (29 снежня 1943, в. Махоўка) — беларускі мастак-графік. Член Беларускага Саюза мастакоў (1995).
Скончыў Мінскі архітэктурна-будаўнічы тэхнікум (1960), Беларускі тэатральна-мастацкі інстытут (1975). Вучыўся ў Л.Міронавай, А. Хадыкі. Удзельнік мастацкіх выставак з 1976 г. Працуе ў афармленчым мастацтве.
Асноўныя творы: афармленне экспазіцый музея народнай творчасці ў Раўбічы, літаратурна-мемарыяльных музеяў Я.Коласа ў в. Мікалаеўшчына, Альбуць, Акінчыці Мінскай вобл., Літаратурнага музея партызанскай славы (Віцебская вобл.); мастацкае афармленне выстаўкі 105 годдзя Я.Купалы ў Маскве, выстаўкі “Ганчарны круг” у Мінску; распрацоўка канцэпцыі афармлення пр. Машэрава ў Мінску; мамументальна-дэкаратыўнай кампазіцыі (разьба па дрэве) для вытворчага аб’яднання “Гарызонт”, завода “Тэрмапласт”, гасцініцы “Кастрычніцкая” (усё ў г. Мінск).
Жыве ў г. Мінск.