Сэр Фрэдэрык Уільям Малландэйн Аштан (англ.: Frederick William Mallandaine Ashton; 17 верасня 1904, Гуаякіль — 18 кастрычніка 1988, Суфалк) — англійскі балетмайстар, адзін з вядучых заходнееўрапейскіх харэографаў свайго часу. Узначальваў трупу Каралеўскага балета ў 1963—1970 гадах. Нароўні з Кенетам Мак-Міланам — стваральнік англійскага балетнага рэпертуару; аўтар першага нацыянальнага англійскага балета («Трагедыя моды» 1926).