wd wp Пошук:
    ⬜

    Фрыда Пінта

    Фры́да Пі́нта (англ.: Freida Pinto; нар. 18 кастрычніка 1984, Бамбей, Індыя) — актрыса індыйскага кінематографа, якая сыграла адну з галоўных роляў у фільме «Мільянер з трушчоб».

    Біяграфія

    Нарадзілася і вырасла ў Бамбеі ў сям’і партугальскага паходжання. Бацькі Пінта каталікі з Мангалора[2][3][4]. Прозвішча «Пінта» з’яўляецца партугальскім, якое азначае «невялікая птушка». Партугальцы былі першымі еўрапейскімі каланізатарамі і пасяленцамі ў Індыі ў 1497 годзе. Бацька — Фрэдэрык Пінта, старэйшы менеджар філіяла банка Bank of Baroda, маці — Сільвія Пінта, выкладчыца школы St. John’s Universal High School, старэйшая сястра — Шарон Пінта, прадзюсар аднаго з навінавых каналаў тэлебачання NDTV[5].

    Сям’я актыўна ўдзельнічала ў жыцці каталіцкай абшчыны ў Мангалоры і Мумбаі. Спачатку Пінта вучылася ў школе St. Joseph School, якую паспяхова скончыла са ступенню бакалаўра ў галіне мастацтваў. Затым яна скончыла каледж St Xavier’s College са ступенню бакалаўра мастацтваў па англійскай літаратуры. Цяпер яна пражывае ў Нью-Ёрку. Родная мова Фрыды — конкані.

    Таксама Фрыда Пінта з’яўляецца прафесійнай танцоркай, захапляецца індыйскімі традыцыйнымі стылямі і сальсай[6].

    Кар’ера

    З 2006—2007 гадоў Фрыда бярэ ўдзел у некалькіх тэлевізійных праектах, і здымаецца ў рэкламе. Таксама Фрыда ўдзельнічала ў «вандроўным» міжнародным тэлешоў «Full Circle», праехаўшы з ім усю Паўднёва-усходнюю Азію. Адносна частае мільганне на экранах ТБ прыносіць свае плады і яе запрашаюць на кастынг для ўдзелу ў здымках фільма «Мільянер з трушчоб».

    Менавіта 2008 год стаў дэбютам Фрыды Пінта ў вялікім кіно. Фільм апынуўся паспяховым, прынёс вялікія зборы і ўдастоіўся «Оскара». Таксама карціна атрымала ўзнагароду People’s Choice Award, а ў 2009 — Golden Globe Awards.

    У 2009 годзе актрыса была намінавана на прэмію BAFTA — за Лепшую Ролю другога плану, а таксама атрымала прыз Screen Actors Guild Award — за выбітную працу ў кіно.

    2010

    Асабістае жыццё

    Фрыда Пінта з 2001 года сустракалася з Раханам Антаа, маркетолагам з Мумбая, але напачатку 2009 года Фрыда кінула Антаа. Яны пазнаёміліся яшчэ ў мумбайскім універсітэце Святога Хаўера, дзе Фрыда вывучала англійскую літаратуру, а Антаа чытаў хімію[7].

    У 2009 годзе пачала сустракацца з калегам па фільме Дэвам Патэлем[8].

    Фільмаграфія

    Год Беларуская назва Арыгінальная назва Роля
    2008
    		 ф Мільянер з трушчоб Slumdog MillionaireLatika
    2010
    		 ф Ты сустрэнеш высокага незнаёмца You Will Meet a Tall Dark StrangerDia
    2010
    		 ф Мірал MiralMiral
    2011
    		 ф Паўстанне планеты малп Rise of the Planet of the ApesCaroline
    2011
    		 ф Вайна багоў ImmortalsPhaedra

    Зноскі

    1. ↑ Freida Pinto // SNAC — 2010. Праверана 9 кастрычніка 2017.
    2. ↑ Slumdog Millionaire star Freida Pinto’s amazing rise to fame(нявызн.), Daily Mirror (26 студзеня 2009). Праверана 25 верасня 2010.
    3. ↑ Slumdog has done India proud, says Frieda’s father(нявызн.), Daily News and Analysis (DNA) (23 лютага 2009). Праверана 29 красавіка 2009.
    4. ↑ Where are the Slumdog kids now?(нявызн.), Channel 4 News (23 лютага 2009). Праверана 29 красавіка 2009. Архівавана 24 снежня 2009.
    5. ↑ D’Mello, Gerry The Newest Star on the Mangalorean Horizon-Freida Pinto(нявызн.) (недаступная спасылка). Daijiworld Media (25 лістапада 2008). Архівавана з першакрыніцы 18 красавіка 2009. Праверана 25 лістапада 2008.
    6. ↑ ‘Comedy is difficult’(нявызн.). Rediff News. Rediff (16 чэрвеня 2008). Праверана 23 лютага 2008.
    7. ↑ Slumdog Millionaire star Freida Pinto ‘dumped her secret husband after becoming a star’ | Mail Online
    8. ↑ Freida Pinto & Dev Patel Are Dating, Says Mom | Dev Patel, Freida Pinto : Just Jared(недаступная спасылка)

    Спасылкі

    Тэмы гэтай старонкі (11):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Актрысы паводле алфавіта
    Катэгорыя·Актрысы Індыі
    Катэгорыя·Нарадзіліся 18 кастрычніка
    Катэгорыя·Нарадзіліся ў 1984 годзе
    Катэгорыя·Старонкі з няправільным сінтаксісам спасылак на крыніцы
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Вікіпедыя·Біяграфіі сучаснікаў
    Катэгорыя·Вікіпедыя·Артыкулы з непрацоўнымі спасылкамі
    Катэгорыя·Асобы
    Катэгорыя·Нарадзіліся ў Мумбаі