У Вікіпедыі ёсць артыкулы пра іншых асоб з прозвішчам Рыка. Францішак Рыка (польск.: Franciszek Ricca, італ.: Francesco Ricca; 21 кастрычніка 1755, Навара, Італія — 15 сакавіка 1809, Полацк[2]) — езуіцкі святар, педагог.
Нарадзіўся ў Італіі. Скончыў універсітэт у горадзе Павія[3]. 15 кастрычніка 1770 г. уступіў у Таварыства Ісуса у Міланскай правінцыі Ордэна. Пасля выдання папскага брэвэ Dominus ac Redemptor (1773) працаваў выхавацелям і рэктарам Высакароднага калегіума (Collegium nobilium) у Турыне.
1 лістапада 1799 г. прыехаў на Беларусь[2][4]. Склаў апошнія зарокі ў Полацку 15 жніўня 1802 г. Аперарыюш (1800—1802), прафесар эксперыментальнай фізікі і натуральнай гісторыі, а таксама прэфект музея фізікі (1802—1809), магістр навіцыяту (1803—1804, 1805—1806) у Полацкім езуіцкім калегіуме[5][6]. Падрыхтаваў (у рукапісе) падручнік па мінералогіі[2].
Памёр у Полацку. Пакінуў рукапісную працу Mineralogią według Systematu P. Havy[7].