Францэ Прашэрн (славенск.: France Prešeren; 3 снежня 1800, Врба, Славенія — 8 лютага 1849) — славенскі паэт; прадстаўнік рамантызму.
Скончыў Венскі ўніверсітэт (1828). Друкаваўся з 1827 года. Працягваў традыцыі класічнай італьянскай паэзіі, Дж. Байрана. нямецкіх рамантыкаў. Асноўнае месца ў паэзіі займае інтымная лірыка з элегічнымі і трагічнымі настроямі («Любоўныя санеты», 1830-31; «Санеты няшчасця», 1832). Аўтар цыкла «Вянок санетаў» (1834), сатырычных вершаў і эпіграм «Саркастычныя санеты» (1833), ліраэпічнай паэмы «Хрышчэнне на Савіцы» (1836).