«Французскі сувязны» (англ.: The French Connection) — амерыканскі кінафільм, паліцэйскі трылер рэжысёра Уільяма Фрыдкіна, які выйшаў на экраны ў 1971 годзе. Сюжэт фільма заснаваны на рэальных падзеях, а таксама іх навелізацыі Робінам Мурам. Ён распавядае гісторыю нью-ёркскіх дэтэктываў паліцэйскага кіравання Джымі «Попая» Дойла і Бадзі Русо, прататыпамі якіх сталі дэтэктывы з аддзела па кантролі за абаротам наркотыкаў Эдзі Іген і Соні Гроса. Іген і Гроса таксама з’яўляюцца ў фільме ў другарадных ролях.