Французскія Паўднёвыя і Антарктычныя тэрыторыі, скарочана ФПАТ (фр.: Terres australes et antarctiques françaises (TAAF)) — заморскае адмысловае адміністрацыйна-тэрытарыяльнае ўтварэнне Францыі.
Знаходзіцца ў паўднёвай частцы Індыйскага акіяна і складаецца з 5 адміністрацыйных акруг:
№ | Тэрыторыя ФПАТ | Рэгіён | Плошча, км² | Насельніцтва, чал. | Адм. цэнтр |
---|---|---|---|---|---|
1 | Астравы Сен-Поль і Амстэрдам | Індыйскі акіян | 61 | 45 | Марцін-дэ-Віўе |
2 | Кергелен | Індыйскі акіян | 7 215 | 110 | Порт-о-Франсэ |
3 | Кразэ | Індыйскі акіян | 352 | 45 | Альфрэд-Фор |
4 | Астравы Эпарсэ | Індыйскі акіян | 38,6 | 56 | — |
5 | Зямля Адэлі | Антарктыда | 432 000 | 110 | Дзюмон д'Юрвіль |
Усяго | 439 672 | 366 | |||
Правы Францыі на Зямлю Адэлі не прызнаны міжнароднай супольнасцю. У наш час там знаходзіцца французская навуковая станцыя Дзюмон д’Юрвіль.
Адміністрацыйна гэтыя тэрыторыі кіруюцца з Рэюньёна (горад Сен-П’ер), але не ўваходзяць у яго склад.
На востраве Амстэрдам знаходзіцца адзінае пастаяннае паселішча Французскіх Паўднёвых і Антарктычных тэрыторый — Марцін-дэ-Віўе з колькасцю каля 40 чалавек.
У эканамічным плане гэтыя тэрыторыі каштоўныя ў першую чаргу сваімі марскімі эканамічнымі зонамі.
Французскія Паўднёвыя і Антарктычныя тэрыторыі маюць нацыянальны дамен верхняга ўзроўня — .tf