wd wp Пошук: ⬜

Федэрыка Бальдзарэці

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Федэрыка Бальдзарэці (італ.: Federico Balzaretti; 6 снежня 1981 года, Турын, Італія) — італьянскі футбаліст, абаронца. У 2010—2013 гадах выступаў за нацыянальную зборную Італіі. Завяршыў кар’еру ў жніўні 2015 года.

Кар’ера

«Тарына»

Федэрыка Бальдзарэці з’яўляецца выхаванцам клуба «Тарына», ў школу якога ён прыйшоў ва ўзросце шасці гадоў. У сезоне 1998/99 ён выклікаўся ў асноўны склад каманды, але ў ім не дэбютаваў. У 1999 годзе Бальдзарэці быў аддадзены ў арэнду ў клуб «Варэзэ», дзе правёў два гады. Затым ён гуляў за «Сіену», у складзе якой дэбютаваў у Серыі B.

У 2002 годзе Бальдзарэці вярнуўся ў «Тарына», у складзе якога дэбютаваў 14 верасня 2002 года ў гульні чэмпіянату Італіі супраць «Інтэра». Разам з «Тарына» Бальдзарэці вылецеў у Серыю B, але застаўся ў камандзе, дзе паступова станавіўся ключавай асобай[4]. У сезоне 2004/05 «Тарына» зноў выйшаў у Серыю A. Аднак клуб быў абвешчаны банкрутам, і 9 жніўня 2005 года ўсе ігракі каманды сталі свабоднымі агентамі[5].

«Ювентус»

Пасля сыходу з «Тарына» Федэрыка падпісаў кантракт з «Ювентусам» для таго, каб не перавозіць цяжарную жонку, Лукрэцыю, з горада[6]. Тыфозі «Тарына» ўспрынялі пераход, як здраду, тым больш Бальдзарэці раней кляўся ў любові да клуба[7]. Заўзятары, у сустрэчах, дзе яго каманда сустракалася з «Тарына», асвіствалі Федэрыка[8]. Бальдзарэці заваяваў месца ў аснове «Ювентуса», які стаў чэмпіёнам краіны ў 2006 годзе. Аднак улетку таго ж года, клуб быў абвінавачаны з-за скандалу Кальчаполі, пазбаўлены чэмпіёнскага тытулу і адпраўлены ў Серыю B. Федэрыка прыняў рашэнне застацца ў камандзе, і ў матчы другога італьянскага дывізіёна забіў свой першы гол у складзе клуба, паразіўшы браму «Кратонэ».

«Фіярэнціна»

20 чэрвеня 2007 года Бальдзарэці быў набыты «Фіярэнцінай», якая заплаціла за трансфер абаронцы 3,8 млн еўра, падпісаўшы кантракт на 4 гады. За «Фіярэнціну» ігрок правёў толькі палову сезону, згуляўшы ў 11 матчах.

«Палерма»

25 студзеня 2008 года Бальдзарэці перайшоў у «Палерма» за 3,8 млн еўра. Кантракт быў падпісаны да 2011 года[9]. У клубе Бальдзарэці ўзяў 42 нумар, у гонар бацькі, які нарадзіўся ў 1942 годзе[10]. Ён дэбютаваў у складзе «разанера» 2 лютага 2008 года ў гульні супраць «Ліворна» (1:0). Федэрыка хутка стаў іграком асновы[11], правёўшы ў першыя два сезоны амаль усе гульні. 18 кастрычніка 2009 года Бальдзарэці забіў першы мяч за клуб, зноў у гульні супраць «Ліворна». 6 снежня 2009 года, у дзень свайго нараджэння, Бальдзарэці згуляў 100 матч у Серыі А. 11 студзеня 2010 года ігрок падоўжыў кантракт з камандай да 2013 года[12].

«Рома»

1 жніўня 2012 года Бальдзарэці перайшоў у «Рому», падпісаўшы кантракт да 30 чэрвеня 2015 года. Сума трансферу склала 4,5 млн еўра[13]. У жніўні 2015 года ў сувязі з траўмай прыняў рашэнне завяршыць кар’еру.

Міжнародная кар’ера

Дэбютаваў у складзе нацыянальнай зборнай Італіі пад кіраўніцтвам трэнера Чэзарэ Прандэлі 17 лістапада 2010 года ў таварыскім матчы супраць зборнай Румыніі.

Зноскі

↑ Federico Balzaretti // Transfermarkt — 2000. Праверана 9 кастрычніка 2017.
↑ Federico Balzaretti // As — Madrid: Grupo PRISA, 1967.
↑ FEDERICO BALZARETTI // Base de Datos del Futbol Argentino
↑ Balzaretti, questa è una settimana da ricordarе. gazzetta.it
↑ Il pallone racconta: Federico Balzaretti. ilpalloneracconta
↑ Balzaretti: «Io resto del Toro». aol.it
↑ Juve, la carica dei piemontesi Архівавана 5 верасня 2009.. repubblica.it
↑ Balzaretti rassegnato «Mi copriranno di fischi» Архівавана 3 жніўня 2012.. lastampa.it
↑ Acquistato Balzaretti Архівавана 4 красавіка 2008.. ilpalermocalcio.it
↑ Balzaretti: «Il 42? Scelto per mio papà»(недаступная спасылка). stadionews.it
↑ Palermo, l’importanza dei giocatori chiave. tuttopalermo.net
↑ Balzaretti rinnova fino al 2013(недаступная спасылка). ilpalermocalcio.it
↑ «Рома» подтвердила трансфер защитника «Палермо» Бальцаретти. championat.com

Зноскі

Спасылкі

На Вікісховішчы ёсць медыяфайлы па тэме Федэрыка Бальдзарэці
Профіль на сайце gazzetta.it
Статыстыка на сайце National Football Teams