wd wp Пошук:
    ⬜

    ФК Хайберніян

    «Хайберніян» (англ.: Hibernian Football Club) ― шатландскі прафесійны футбольны клуб з Эдынбурга. Адзін з двух эдынбургскіх клубаў разам са сваімі гістарычнымі супернікамі па эдынбургскім дэрбі «Хартсам». Клуб быў закладзены ў 1875 годзе ірландскімі мігрантамі[1], але такая самаіндэнтыфікаванасць была з цягам часу перайначана[2], бо клуб пачалі патрымліваць у залежнасці ад месцазнаходжання, не ўлічваючы этнічныя і рэлігійныя прыналежнасці. Але ж ірландская спадчына адлюстроўваецца ў назве клуба, яго колераў і лагатыпу.

    Назва клуба, як правіла, скарачаецца да Hibs. Але каманда таксама мае мянушку Hibees. Хатнія матчы клуб праводзіць на стадыёне «Істэр Роўд», які месціць 13 800 гледачоў. «Істэр Роўд» з’яўляецца хатняй арэнай «Хайберніяна» з 1893 года.

    Клуб чатыры разы станавіўся чэмпіёнам Шатландыі і апошнім разам гэта здарылася ў 1952 годзе. Тры з гэтых чатырох тытулаў прыйшліся паміж 1948 і 1952 гадах, калі за клуб гуляла так званая Цудоўная пяцёрка ― выбітная лінія нападнікаў. Клуб двойчы перамагаў у Кубку Шатландыі ў 1887 і 1902, але дзевяць разоў атрымліваў паражэнне ў фіналах кубка, апошні раз зусім нядаўна ў 2001 годзе. Апошні значны трафей, які клуб змог дадаць да свойго рахунку, быў Кубак лігі Шатландыі ў 2007 годзе, калі ў фінале «Хайберніян» быў на галаву вышэйшы за «Кілмарнак». Усяго ж налічваецца тры перамогі клуба ў гэтым турніры, акрамя гэтага яшчэ ў 1972 і 1991 гадах.

    Гісторыя

    Заснаванне

    Футбольны клуб «Хайберніян» быў заснаваны ў жніўні 1875 года Рымска-каталіцкай прыходскай царквой імя святога Патрыка, якая размешчана на вуліцы Коўгейт у Эдынбургу. Заснавальнікамі клуба былі Кенан Эдвард Джозеф Ханан і прэзідэнт мясцовай асацыяцыі каталіцкіх маладых мужчын, Майкл Уілаен, які стаў першым капітанам клуба. Першапачаткова клуб, як і большасць каманд Эдынбурга, гуляў свае хатнія матчы на «Мідаўз Парк», які быў размешчаны на поўдзень ад цэнтра горада. У 1880 годзе клуб пераехаў ва ўсходні раён Эдынбурга ― Лэйт, дзе быў пабудаваны новы стадыён. У 1891 годзе клуб зноў пераехаў на новую пляцоўку ― «Істэр Роўд», якая размяшчалася ў некалькіх метрах ад папярэдняга аб’екта[3].

    У 1870-х і 1880-х гадах адзінымі спаборніцтвамі, у якіх бралі ўдзел шатландскія клубы, быў Кубак Шатландыі, які быў заснаваны ў 1874 годзе. «Хайберніян» выступаў у гэтым турніры не атрымліваючы прыкметных поспехаў. Толькі праз дванаццаць гадоў пасля свайго заснавання клуб атрымаў першую перамогу ў спартыўных спаборніцтвах. 12 лютага 1887 года ў фінальны матчы на Кубак Шатландыі клуб атрымаў перамогу з лікам 2:1 над камандай «Думбартан», стаўшы, такім чынам, пятай каманд, якая здолела здабыць Кубак Шатландыі.

    Дасягненні

    Зноскі

    1. ↑ Хайберніян ― пачатак. Hibernian F.C. official website Архівавана 16 ліпеня 2011.
    2. ↑ Hibernian Football Club: The Forgotten Irish?
    3. ↑ History of Easter Road Stadium Архівавана 25 жніўня 2007.. www.scotprem.premiumtv.co.uk.

    Спасылкі

    Тэмы гэтай старонкі (5):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Футбольныя клубы Шатландыі
    Катэгорыя·ФК Хайберніян
    Катэгорыя·Футбольныя клубы, заснаваныя ў 1875 годзе
    Катэгорыя·Футбольныя клубы паводле алфавіта