«Рэйнджэрс» (англ.: Rangers Football Club) ― шатландскі футбольны клуб з Глазга, гуляе ў Прэм’ершыпе. Клуб мае мянушкі the Gers, Teddy Bears і, акрамя таго, Light Blues. Часам клуб называюць «Глазга Рэйнджэрс», але слова Глазга ніколі не прысутнічала ў афіцыйнай назве клуба[1]. Хатнія гульні праводзіць на стадыёне «Айбракс», які змяшчае 50,817 гледача, стадыён знаходзіцца ў паўднёва-заходняй частцы Глазга.
«Рэйнджэрс» 55 разоў перамагаў у нацянальным чэмпіянаце: больш, чым хто-небудзь з іншых клубаў у свеце. 27 разоў станавіўся ўладальнікам Кубка лігі Шатландыі, больш чым хто-небудзь у Шатландыі, і 34 разы перамагаў у Кубку Шатландыі. У 1961 годзе «Джарз» дайшоў да фіналу Кубка ўладальнікаў Кубкаў, стаўшы такім чынам першым брытанскім клубам, які дасягнуў фіналу еўрапейскіх кубкаў. У 1967 годзе клуб зноў патрапіў у фінал таго ж самага кубка, але таксама атрымаў паражэнне. І толькі ў 1972 годзе гэты трафей знайшоў сваё месца ў клубнай калекцыі. Акрамя таго ў 2008 годзе клуб дайшоў да фіналу Кубка УЕФА, а ў 2022 годзе — да фіналу Лігі Еўропы.
Клуб традыцыйна падтрымліваецца пратэстантамі і прыхільнікамі уніі з Англіяй (юніяністы). Галоўным супернікам клуба з’яўляецца «Сэлтык», тандэм двух клубаў вядомы як Старая Фірма (Old Firm), гульні паміж гэтымі камандымі маюць назву ― дэрбі Глазга.
Чацвёра заснавальнікаў клуба ― браты Мойзэс і Пітэр Макнейл, Пітэр Кэмпбел і Уіліям Макбіт ― стварылі футбольную каманду і далі ёй назва па першым убачаным назве ў кніжцы[2]. У маі таго ж года прайшла першая гульня клуба супраць каманды Callander F.C. на грамадскім плошчы Glasgow Green, гульня скончылася з лікам 0:0. Афіцыйнай датай заснавання клуба лічыцца 15 ліпеня 1873 года, калі клуб правёў свой першы штогадовы сход. У 1877 годзе клуб дайшоў да фіналу Кубка Шатландыі. Першае ў гісторыі дэрбі Старой Фірмы адбылося ў 1888 годзе, у год заснавання «Селтыка». «Рэйнджэрс» атрымаў паражэнне з лікам 5:2. У сезоне 1890/91 Джарз стаў адным з дзесяці ўдзельнікаў сфарміраванай шатландскай футбольнай лігі. К гэтаму часу «Рэйнджэрс» ужо гуляў на «Айбракс».
Не здолеўшы атрымаць пагаднення з крэдыторамі 14 чэрвеня 2012 года клуб быў вымушаны пачаць працэс банкруцтва[3]. Яго актывы былі прададзены новай кампаніі, Sevco Scotland Ltd, якая ў далейшым была перайменавана ў Rangers Football Club Limited[4]. Пасля клуб быў зноў далучаны да Шатландскай футбольнай асацыяцыі, прыняўшы шэраг умоў, як аднагадовую забарону на трансферы. Заяўка на ўдзел у Шатландскай Прэм’ер-лізе была адхілена[5], у дадатак да гэтага было вырашына размясціць «Рэйнджэрс» у ніжэйшым дывізіёне ў пачатку сезона 2012/13, а не ў першы дывізіён, як спачатку планавалася[6].
Уладальнікі Кубка Шатландыі: 34
Уладальнікі Кубка лігі Шатландыі: 27
Уладальнікі Кубка ўладальнікаў кубкаў: 1