«Дынама» (груз. დინამო თბილისი) — грузінскі футбольны клуб з Тбілісі.
Самая вядомая з грузінскіх каманд, адна з наймацнейшых каманд чэмпіянату СССР. 20 разоў «Дынама» выйгравала медалі чэмпіянату СССР, у тым ліку два чэмпіёнствы ў 1964 і 1978 гадах. Па колькасці бронзавых узнагарод (13) з’яўляецца рэкардсменам чэмпіянату СССР. Галоўным трыумфам клуба з’яўляецца перамога ў 1981 годзе ў Кубку кубкаў. У фінале, які праходзіў у Дзюсельдорфе, грузінская каманда перамагла ўсходнегерманскі клуб «Карл Цэйс» з лікам 2:1.