wd wp Пошук: ⬜

Уільям Лаян Мак-Кензі

У Вікіпедыі ёсць артыкулы пра іншых асоб з прозвішчам Мак-Кензі. Не блытаць з Уільям Лаян Мак-Кензі Кінг.

Уільям Лаян Мак-Кензі (англ.: William Lyon Mackenzie; 12 сакавіка 1795, г.Данды, Вялікабрытанія — 29 жніўня 1861, Таронта, Канада) — канадскі палітычны дзеяч, публіцыст.

Біяграфія

З 1820 года ў Канадзе.

З 1824 года выдаваў тут газету «The Colonial Advocate» («Каланіяльны абаронца»), у якой крытыкаваў брытанскі каланіяльны рэжым, выступаў за правядзенне дэмакратычных рэформ.

У 1828—1836 гадах член парламента, з 1834 года мэр г.Таронта.

Арганізатар і адзін з кіраўнікоў «Канадскага саюза», заснаваны ў 1834 годзе.

Узначальваў антыбрытанскае паўстанне 1837—1838 у Верхняй Канадзе; пасля яго паражэння жыў у ЗША (да 1850 года).

У 1851—1858 гадах член Заканадскай асамблеі правінцыі (калоніі) Канада.

Яго ўнук Уільям Лаян Мак-Кензі Кінг быў прэм’ер-міністрам Канады тры разы з 1921 па 1948.

Гл. таксама

Мак-Кензі, прозвішча

Зноскі

↑ Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
1 2 William Lyon Mackenzie // Encyclopædia Britannica Праверана 9 кастрычніка 2017.
↑ William Lyon Mackenzie // SNAC — 2010. Праверана 9 кастрычніка 2017.

Літаратура

Беларуская энцыклапедыя: У 18 т. Т.9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — 560 с.: іл.