Уільям Генры Беверыдж, барон (анг.: William Henry Beveridge, 1st Baron Beveridge; 5 сакавіка 1879, Рангпур, Індыя (цяпер Бангладэш) — 16 сакавіка 1963, Оксфард) — англійскі эканаміст, прадстаўнік фабіянства.
Вучыўся ў Оксфардскім універсітэце. З 1919 па 1937 год — дырэктар Лонданскай школы эканомікі і палітычнай навукі. Член Брытанскай акадэміі (з 1937 года). Прэзідэнт Каралеўскага статыстычнага грамадства (1941—1943). Узведзены ў рыцарскую годнасць у 1919 годзе; тытул барона атрымаў у 1946 годзе.
Быў асабістым сябрам брытанскага гісторыка Рычарда Тоўні.