Універсітэт імя Цэпеліна
Універсітэт імя Цэпеліна (ням.: Zeppelin Universität) — нямецкая прыватная вышэйшая навучальная ўстанова са статусам універсітэта з сядзібай у горадзе Фрыдрыхсгафен.
Агульная характарыстыка
Універсітэт імя Цэпеліна — невялікі прыватны даследчы ўніверсітэт на беразе Бодэнскага возера. Ён названы ў гонар нямецкага генерала і канструктара дырыжабляў Фердынанда фон Цэпеліна. Універсітэт быў створаны ў 2003 годзе і вядомы сваім авангардным характарам, а таксама сваім складаным метадам адбору студэнтаў. 10 верасня 2011 года ўніверсітэту было прадастаўлена права прысуджаць доктарскія ступені і праводзіць хабілітацыю.
ВНУ з’яўляецца некамерцыйнай арганізацыяй з абмежаванай адказнасцю і апісвае сябе як «універсітэт, які аб’ядноўвае бізнес, культуру і палітыку». Універсітэт акрэдытаваны на нацыянальным узроўні. Асноўныя курсы бакалаўрыяту акрэдытаваны Нямецкім агенцтвам па акрэдытацыі вышэйшай адукацыі.
Установа мае два асноўныя кампусы ў Фрыдрыхсгафене: адзін на беразе Бодэнскага возера і ZFCampus, які быў завершаны ў 2015 годзе, каб стварыць больш месца. Ён быў прафінансаваны за кошт ахвяраванняў 20 мільёнаў еўра. Абодва кампусы сучасныя, па праекце вядомых архітэктараў, і змяшчаюць класныя пакоі, аўдыторыі, офісы, буфеты, бібліятэку, фітнес-студыю і крыло для каворкінгу для студэнтаў. З 2007 па 2008 гады (да закрыцця аэрапорта) універсітэт меў дадатковае размяшчэнне ў фае міжнароднага аэрапорта «Тэмпельгоф» у Берліне, у так званым «Інстытуце мастацтва плавання ў паветры».
Зноскі
- ↑ (unspecified title) Праверана 28 верасня 2017.
Спасылкі
На Вікісховішчы ёсць медыяфайлы па тэме Універсітэт імя Цэпеліна- Афіцыйная інтэрнэт-старонка ўстановы
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Фрыдрыхсгафен
Катэгорыя·Навучальныя ўстановы, заснаваныя ў 2003 годзе
Катэгорыя·Універсітэты Германіі
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Універсітэты паводле алфавіта