Універсітэт Васа (фінск.: Vaasan yliopisto) — фінская дзяржаўная вышэйшая навучальная ўстанова са статусам універсітэта з сядзібай у горадзе Васа.
Універсітэт Васа — гэта міждысцыплінарны бізнес-арыентаваны ўніверсітэт. Кампус універсітэта размешчаны на беразе Батнічнага заліва побач з цэнтрам горада Васа. Універсітэт ператварыўся з Вышэйшай школы эканомікі, заснаванай у 1968 годзе, ва ўніверсітэт, які складаецца з чатырох розных школ: школы бухгалтарскага ўліку і фінансаў, школы менеджменту, школы маркетынгу і камунікацый і школы тэхналогій і інавацый. Універсітэт Васа — адзін з найбуйнейшых бізнес-універсітэтаў Фінляндыі. Універсітэт налічвае каля 500 супрацоўнікаў, у тым ліку 180 выкладчыкащ і 54 прафесара. Каля 5 000 студэнтаў у цяперашні час навучаюцца па розных праграмах ва ўніверсітэце.