Уліне́ц[1] — рака ў Мёрскім і Шаркаўшчынскім раёнах Віцебскай вобласці Беларусі, левы прыток ракі Авута (басейн Дзісны).
Даўжыня ракі 14 км, 12 км з іх у Мёрскім раёне[2]. Плошча вадазбору 73 км². Сярэдні нахіл воднай паверхні 2,8 м/км. Выток ракі знаходзіцца ў Шаркаўшчынскім раёне каля вёскі Падліпкі, вусце ў Мёрскім раёне, прыкладна за 0,3 км на паўднёвы ўсход ад вёскі Завуцце. Вадазбор у межах Полацкай нізіны. Рэчышча каналізаванае ў сярэднім цячэнні. У раку злева ўпадае пратока без назвы даўжынёй 4 км з возера Стрэчна[2].