У Вікіпедыі ёсць артыкулы пра іншых асоб з прозвішчам Сянчук.
Уладзімір Сцяпанавіч Сянчук (нар. 6 красавіка 1923, в. Пухавічы, Пухавіцкі раён, Мінская вобласць — 17 снежня 2008) — беларускі вучоны, кандыдат медыцынскіх навук, дацэнт.
Нарадзіўся 6 красавіка 1923 года ў Пухавічах у сям’і ветэрынарнага фельчара.
Скончыў Пухавіцкую сярэднюю школу (1940). Мінскі медыцынскі інстытут (1954).
Удзельнік Вялікай Айчыннай вайны. Працаваў у органах дзяржаўнай бяспекі (1944—1948), пасля інстытута — урачом у Мінску.
З 1957 года працаваў выкладчыкам, з 1971 па 1982 гады — загадчыкам, з 1982 года — дацэнтам кафедры агульнай гігіены ў Мінскім медыцынскім інстытуце.
Памёр 17 снежня 2008 года. Пахаваны ў Мінску на Усходніх могілках[1].
Аўтар многіх навуковых прац па агульнай гігіене.
Узнагароджаны баявым ордэнам, медалямі, значком «Выдатнік аховы здароўя», Ганаровай граматай ВС БССР (1977); занесены ў Кнігу пашаны інстытута[2].