У Вікіпедыі ёсць артыкулы пра іншых асоб з прозвішчам Кулакоў.
Уладзі́мір Панцяле́евіч Кулако́ў (12 кастрычніка 1936, в. Шамшы Жаркоўскага раёна Цвярской вобласці, РСФСР — 2022) — беларускі дзяржаўны дзеяч, старшыня Віцебскага абласнога выканаўчага камітэта (1984—1994).
Скончыў Беларускі дзяржаўны інстытут народнай гаспадаркі і Гродзенскі сельскагаспадарчы інстытут.
Працоўную дзейнасць пачаў ў 1957 годзе галоўным спецыялістам саўгаса «Азярцы» Глыбоцкага раёна.
З 1958 па 1964 гады працаваў у сельскагаспадарчых органах Гродзенскай вобласці.
З 1964 па 1971 гады быў дырэктарам саўгаса «Малое Мажэйкава» Лідскага раёна[3].
Пасля працуе на пасадзе дырэктара рэспубліканскага трэста эксперыментальных баз Міністэрства сельскай гаспадаркі БССР.
З 1978 года — начальнік рэспубліканскага аб’яднання «Сортзернапрам».
З 1981 года — першы намеснік міністра пладовагароднінай гаспадаркі БССР.
У 1983 годзе абіраецца 1-м намеснікам старшыні Віцебскага аблвыканкама.
24 снежня 1984 года абіраецца старшынёй выканкама Віцебскага абласнога савета народных дэпутатаў[4]. Знаходзіўся на гэтай пасадзе да лістапада 1994 года. У 1991—1999 гадах быў старшынёй Віцебскага абласнога Савета дэпутатаў.
3 21 кастрычніка 1999 года па 5 сакавіка 2007 года з’яўляўся старшынёй Віцебскага абласнога камітэта прыродных рэсурсаў і аховы навакольнага асяроддзя[5].
У 1985—1990 гг. абіраўся дэпутатам Вярхоўнага Савета БССР, быў членам ЦК КПБ.
Званне «Ганаровы грамадзянін горада Віцебска» было прысвоена 19.06.2019 г.