Уладзімір Міхайлавіч Пырачкін (нар. 19 красавіка 1954, в. Лоша, Астравецкі раён, Гродзенская вобласць) — беларускі ўрач-кардыёлаг. Доктар медыцынскіх навук (2003), прафесар[1].
Скончыў Гродзенскі дзяржаўны медыцынскі інстытут (спецыяльнасць «Лячэбная справа», 1977).
Працаваў у 1-й гарадской клінічнай бальніцы г. Гродна (1978—1985), Гродзенскім абласным кардыялагічным дыспансеры (1985—1991, загадчык аддзялення рэанімацыі), Гродзенскім дзяржаўным універсітэце імя Я. Купалы (1991—1993), Гродзенскім дзяржаўным медыцынскім універсітэце (з 1993, лячэбны факультэт, 1-я кафедра ўнутраных хвароб, з 2001 — загадчык кафедры).
Навуковыя інтарэсы: сардэчна-сасудзістыя захворванні (дыягностыка і лячэнне).
Знак «Выдатнік аховы здароўя Рэспублікі Беларусь» (2005).