У Вікіпедыі ёсць артыкулы пра іншых асоб з падобнымі імёнамі, гл. Котаў і Уладзімір Котаў.
Уладзімір Міхайлавіч Котаў (нар. 27 студзеня 1955, г. Вілейка, Мінская вобласць) — беларускі матэматык, спецыяліст у галіне дыскрэтнай матэматыкі і матэматычнай кібернетыкі. Доктар фізіка-матэматычных навук (2004), прафесар (2005).
Скончыў Беларускі дзяржаўны ўніверсітэт (спецыяльнасць «Прыкладаная матэматыка», 1977; аспірантура, 1982).
Працуе ў Беларускім дзяржаўным універсітэце (з 1977, факультэт прыкладной матэматыкі і інфарматыкі, кафедра дыскрэтнай матэматыкі і алгарытмікі, з 1999 — загадчык кафедры).
Навуковыя інтарэсы: тэорыя графаў; дыскрэтная аптымізацыя (тэорыя складанасці вылічэнняў).