У Вікіпедыі ёсць артыкулы пра іншых асоб з прозвішчам Сідзюк. Уладзімір Мікалаевіч Сідзюк (1 студзеня 1949, в. Турная, Кобрынскі раён, Брэсцкая вобласць) — беларускі архітэктар.
Скончыў у 1971 годзе Брэсцкі інжынерна-будаўнічы інстытут. Працаваў у Гродзенскім філіяле Белдзяржпраекта, начальнікам аддзела прамыслова-грамадзянскага будаўніцтва Упраўлення па будаўніцтве і архітэктуры Гродзенскага аблвыканкама, з 1978 года — галоўны архітэктар праектаў у Гродзенскім аддзеле Белкааппраекта.
Член Саюза архітэктараў СССР з 1978 года. Пражывае ў г. Гродна.
Асноўныя працы: група жылых будынкаў з блокам абслугоўвання па вул. Урублеўскага (1978), жылыя дамы па вул. Паповіча (1979, усе ў аўтарскім калектыве), добраўпарадкаванне кварталаў па вул. Савецкай, Сацыялістычнай, Карбышава (1981) у Гродне, гандлёвы цэнтр у в. Ваверка Лідскага раёна, універмагі ў в. Верцялішкі Гродзенскага раёна і ў г.п. Дзятлава Гродзенскай вобласці (1986).